Работник на возраст од 48 години од битолското село Кравари се здобил со повреди додека извршувал работни задачи во рудникот Брод-Гнеотино при РЕК Битола, информира полицијата.
Инцидентот бил пријавен вчера околу 12:30 часот, во СВР Битола. Повредениот работник, со иницијали Б.М., веднаш бил пренесен во Клиничката болница во Битола, каде што му била укажана лекарска помош и биле констатирани повредите.
„Извршен е увид на местото на настанот од увидна екипа на СВР Битола“, соопшти полицијата.
