Се формираат советничките листи за локалните избори во Охрид, Божиноски и Тодороски ќе ги предводат главните коалиции

Политичката сцена во Охрид полека се организира за претстојните локални избори, со постепено објавување на советничките листи од главните коалиции.

Главни коалиции и нивни лидери

Сегашниот претседател на Советот на Општина Охрид, Перчо Божиноски, официјално ќе ја предводи советничката листа на коалицијата предводена од ВМРО-ДПМНЕ. Божиноски го потврди ова преку својот Фејсбук профил.

На другата страна, Јане Тодороски ќе биде на чело на листата на коалицијата предводена од СДСМ.

Етничките партии со сопствени листи

- Advertisement -

За разлика од претходните избори, турската партија овој пат одлучи да има сопствена листа за Советот на Општина Охрид. Исто така, ДУИ ќе настапи со своја  листа.

ВЛЕН, според достапните информации, се очекува да ја подржи листата на коалицијата предводена од ВМРО ДПМНЕ.

Коалициски партнери и нови учесници

На листата на ВМРО-ДПМНЕ ќе се најде и Арбен Демироски – Бено, како и претставник од Социјалистичката партија. Партијата на Египјаните на Демир Далип излезе со официјално соопштение дека ќе даде поддршка на ВМРО-ДПМНЕ.

Коалицијата предводена од СДСМ ќе има на четврто место на својата листа Ванчо Костоски од ВМРО Народна партија, како и претставник од НСДСП.

Независни кандидати

Овие избори ќе се одликуваат и со присуство на независна листа, предводена од граѓанин од албанска националност, кој претходно бил вработен во МВР.

Очекувања за целосни листи

Се очекува и другите политички партии во наредниот период да ги објават своите комплетни листи, со што политичката слика за локалните избори во Охрид ќе стане појасна.

Избирачите во Охрид ќе имаат можност да избираат меѓу неколку опции, што покажува динамичност на локалната политичка сцена и различни приоди кон управувањето со општината.

С.Д.