Млад кавадарчанец сопрен на автопатот кај Прдејци

Кривична пријава го чека 25-годишен жител на Кавадарци кој дивеел со „бмв“ на автопатот „Пријателство“, возејќи со неверојатни 217 километри на час на делница каде што ограничувањето е 120.

Според билтенот на струмичката полиција возилото било сопрено кај селото Прдејци во 21:55 часот, откако полициските службеници го забележале на радар.

Станува збор за автомобил со бугарски национални ознаки, кој го возел 25-годишен маж со иницијали Д.Д. (25).