Русија предупреди дека сите треба да бидат внимателни со нуклеарната реторика, откако Доналд Трамп нареди преместување на американски нуклеарни подморници, објави Индепендент.
Портпаролот на Кремљ, Дмитриј Песков, ја минимизираше важноста на објавата на Трамп од минатиот петок, во која тој рече дека наредил 2 подморници да бидат преместени во „соодветни региони“.
Овој потег уследи по коментарите на поранешниот руски претседател Дмитриј Медведев за ризикот од војна меѓу двете нуклеарно вооружени сили.
– Во овој случај, очигледно е дека американските подморници веќе се наоѓаат во борбена готовност. Тоа е тековен процес, тоа е првото нешто. Но, генерално, секако, не би сакале да се впуштаме во таква полемика и не би сакале на ниеден начин да ја коментираме. Секако, веруваме дека сите треба да бидат многу, многу внимателни со нуклеарната реторика – рече Песков.
Песков рече дека Русија не ја гледа изјавата на Трамп како ескалација на нуклеарните тензии.
Тој одби директно да одговори на прашањето дали Кремљ се обидел да го предупреди Медведев да ја намали неговата онлајн расправија со Трамп.
