Младиот олимпиец излетал на последниот свиок

Литванскиот велосипедист, Јокубас Дабушинскас, се повредил на тренинг возење при што ги скршил зглобот од раката и вилицата. Тој не настапи на Европскиот младински олимписки фестивал (ЕМОФ) кој се одржува во Скопје, иако учествуваше на отворањето на Фестивалот во спортскиот центар „Јане Сандански“.

– Се чувствував одлично, подготовките минаа добро, формата ми беше на високо ниво. Во саботата првпат ја извозев патеката и ми изгледаше поволна. Следниот ден сакав да ја поминам побрзо, но при последниот свиок излетав, паднав на асфалт и се повредив – изјави младиот велосипедист – пренесе порталот Спорт1.