Се влошува болеста на славниот актер

Легендраниот холивудски актер Брус Вилис повеќе не може ниту да зборува, ниту да оди.

Според најновите информации, неговата болест напредувала до тој степен што актерот повеќе не може да зборува или да чита и има сериозни тешкотии со одењето.

На афазијата на Брус Вилис во 2022 година официјално му беше додадена и дијагнозата фронтотемпорална деменција (ФТД). Се работи за тешка невролошка болест, форма на деменција што ги зафаќа фронталните и темпоралните лобуси на мозокот.

- Advertisement -

Првите проблеми се појавија дури и пред јавното соопштение во март 2022 година, кога семејството на Вилис откри дека актерот ќе се повлече од светот на глумата поради афазија, нарушување кое влијае на способноста за зборување и за разбирање на јазикот. Во тоа време, афазијата беше препознаена како примарен симптом на подлабоки невролошки промени.

Во текот на 2023 и 2024 година, здравјето на Вилис се влоши. Семејството во неколку наврати објави дека тој комуницира сè помалку и помалку, дека повеќе не чита и дека неговиот говор е речиси целосно изгубен. Покрај когнитивните тешкотии, има и проблеми со моторните функции, ја губи рамнотежата и сè повеќе се потпира на помошта од семејството и лицата што се грижат за него во секојдневните активности.

Во февруари 2023 година, афазијата на Вилис официјално беше дијагностицирана со фронтотемпорална деменција (ФТД), форма на деменција која ги зафаќа фронталните и окципиталните лобуси на мозокот, односно деловите одговорни за однесувањето, личноста и за јазикот. За разлика од Алцхајмеровата болест, ФТД почесто ги зафаќа луѓето на возраст меѓу 40 и 65 години, а прогресијата е обично побрза и потешка.

За фронтотемпоралната деменција нема лек, а терапиите се исклучиво симптоматски. Кај некои пациенти, првите симптоми се промени во личноста, кај други проблеми со говорот, како што беше случајот со Вилис. Со текот на времето, болеста влијае на сè повеќе функции, вклучувајќи движење, независност и основни дневни активности.

Во април 2025 година, семејството на Брус Вилис, вклучувајќи ја неговата поранешна сопруга Деми Мур и неговата сегашна партнерка Ема Хеминг Вилис, објавија соопштение во кое се наведува дека неговата состојба е „стабилна, иако прогресивна“ и дека тие продолжуваат да живеат ден по ден, опкружени со љубов, грижа и внимание. Тие им се заблагодарија на фановите ширум светот за нивната континуирана поддршка и пораките на охрабрување што редовно пристигнуваат.

Деми Мур, нивните три ќерки – Румер, Скаут и Талула, како и Ема Хеминг со нејзините две помлади ќерки, остануваат покрај Вилис. Тие често споделуваат фотографии на социјалните мрежи кои прикажуваат нежни семејни моменти, но исто така свесно го привлекуваат вниманието на јавноста кон важноста на разбирањето и емпатијата за луѓето кои страдаат од деменција.