Загуби, хаос и пријателски оган во борбите за градот

Руските сили успеале да навлезат во украинскиот град Покровск во Донецката област, потврдија припадници на украинската армија за Украинска правда.

Првите траги од руска пешадија биле откриени уште на 17 јули, а според воените аналитичари од украинската група Дипстејт, борбите продолжуваат и вечерта на 21 јули.

„Пред неколку дена непријателот ја искористи слабоста – исцрпени сили во една од украинските бригади и нејасна проценка на теренот – и се проби во Покровск преку населбата Звирове. Ситуацијата бргу ја стабилизираа војниците од 155. механизирана бригада и 68. јегерска бригада, спречувајќи катастрофа,“ соопшти Дипстејт.

- Advertisement -

Руската намера, според истите извори, е да се вкопаат и да ја задржат позицијата, чекајќи засилувања и да ја преземат контролата врз улицата Заштитници на Украина.

Истиот извор известува дека „операцијата за неутрализирање на диверзантите продолжува“ и дека „украинската армија, за жал, има загуби“.

„Имаме и жртви. Згора на тоа, се зголемија инцидентите со пријателски оган, бидејќи иако веднаш беше познато дека има саботери, малкумина имаа точни информации за нивните правци и позиции. Потребен е трпелив и ладнокрвен пристап,“ додава Дипстејт.

На интернет веќе кружи снимка на која се гледа руска заседа врз украински војници на крстосницата меѓу улиците Шевченко и Заштитници на Украина.

Инаку, командантот на украинската војска, Олександр Сирски, на 21 јули извести за успешен напад врз руска група што се обидувала да продре во градот.