Израел го нападна јеменското пристаниште: „Судбината на Јемен ќе биде иста како и на Техеран“

Израел изврши нови воздушни напади врз пристанишниот град Ходеида во западен Јемен во понеделник вечерта.

Министерот за одбрана Израел Кац изјави дека израелската војска напаѓа „терористички цели на терористичкиот режим на Хутите во пристаништето Ходеида“ и „решително спречува секаков обид за обновување на претходно погодената терористичка инфраструктура“, објави Ал Џезира.

„Судбината на Јемен ќе биде иста како и на Техеран“, рече Кац. „Хутите ќе платат висока цена за лансирање ракети кон Државата Израел. Ќе продолжиме да дејствуваме во секое време и на кое било место за да го одбраниме Израел“, додаде тој.

- Advertisement -

ИДФ соопшти дека воздушните напади ја уништиле „воената инфраструктура на терористичкиот режим“. Целите, според соопштението, биле „градежни машини што работат на реконструкција на инфраструктурата на пристаништето, резервоари за гориво и бродови што се користат за воени активности и напади врз Државата Израел и бродови во поморската област во близина на пристаништето“.

„Израелските одбранбени сили (ИДФ) идентификуваа континуирани активности и обиди на силите на терористичкиот режим на Хутите да ја обноват терористичката инфраструктура во пристаништето; затоа, цел се елементи што служеле за унапредување на овие активности“, соопшти војската.