Утре ќе биде многу топло, а попладне дожд и грмежи

Утрешниот ден (вторник) ќе донесе локален развој на нестабилна облачност, проследена со пороен дожд, грмежи и засилен ветер, предупредува Управата за хидрометеоролошки работи (УХМР). Според метеоролозите, наместа процесите ќе бидат поинтензивни, па граѓаните се повикуваат на внимателност, особено во попладневните часови.

Температурите ќе бидат високи, и покрај нестабилноста. Минималната утре ќе се движи од 10°C во Берово до 19°C во Гевгелија, а максималната ќе достигне од 26°C во Маврово до дури 38°C во Гевгелија, што дополнително ќе ја зголеми метеочувствителноста.

Во среда и четврток ќе преовладува сончево и многу топло време со максимални температури кои локално ќе достигнуваат и до 39°C, а ќе има мала до умерена локална облачност, со зголемен ризик од топлотен бран.

- Advertisement -

Промена на времето се очекува во петок, кога ќе навлезе поспешна воздушна маса од север. Тоа ќе донесе променливо облачно, посвежо и ветровито време, со услови за локален дожд. Сепак, викендот ќе биде стабилен и топол, со повторен пораст на дневните температури.