Челзи стана светски шампион откако го победи ПСЖ со убедливи 3:0 во финалето на Клупското светско првенство, во меч во кој „сините“ блеснаа со доминантна игра

Челзи стана светски шампион откако го победи ПСЖ со убедливи 3:0 во финалето на Клупското светско првенство, во меч во кој „сините“ блеснаа со доминантна игра.

Од почеток до крај на стадионот МетЛајф во Њу Џерси, тимот на Енцо Мареска беше беспрекорен. ПСЖ, кој во мај триумфираше во Лигата на шампионите, беше убедливо победен прегазенЧелзи.

Два прекрасни, речиси идентични гола, изведени со леснотија, и една меко изведена асистенција од Кол Палмер, го однесоа Челзи до трофејот на проширеното Клупско светско првенство.  Палмер со својата лежерно неверојатна партија во финалето се издигна на големата сцена.

- Advertisement -

Трофејот им го врачи Доналд Трамп, кој беше исвиркан при појавувањето и накратко се задржа на бината за фотографиите, пред играчите на Челзи буквално да се истиснат пред него за да прослават, објави британски Гардијан.

Рис Џејмс го крена трофејот, експлодираа огномети, а стадионот одекна со „Blue is the Colour“.

Пари Сен Жермен изгледаше како недостижен тим, како екипа што менува парадигми, но европскиот шампион не можеше да го совлада Роберт Санчез – еден од многуте фантастични играчи на Челзи – и беше тактички растурен на другиот крај од теренот, жртва на совршено спроведен план.

ПСЖ остана со играч помалку во 84-та минута, откако Жоао Невеш доби директен црвен картон.

Турнирот во САД е прв на кој учествуваат 32 екипи. Финалето беше организирано во духот на Супербоулот (НФЛ), со настапи на бројни музички ѕвезди.