Следното издание на Егзит ќе биде пред пирамидите во Египет

„Пред половина час се отворени портите на фестивалот, пристигнуваат туристи и се надеваме дека овогодинешниот јубилеј ќе помине во најдобра атмосфера. Не ни пречи блокадата, таа беше најавена, а Егзит ги поддржуваше и студентите и блокадите од самиот почеток. Одѕивот е одличен и ова лето, пристигнаа многу туристи од Европа и светот. 25 години е голем јубилеј, бидејќи од 2.000 година поминавме низ различни фази, но ова издание на фестивалот ќе биде едно од најзначајните и најемотивните изданија“, рекла таа. Ана Радовановиќ, претставничка на Егзит и додала:

„Фестивалот Егзит официјално потпиша договор со египетската компанија ‘Вентур лајфстајл’, која организираше многу настани пред пирамидите, а Егзит ќе го има своето следно издание таму“, изјавила Ана Радовановиќ за „Н1“.

Реномираната египетска глобална организација за настани „Вентур лајфстајл“ се смета за една од лидерите во продукцијата на настани на антички локации на Блискиот Исток.

- Advertisement -

Досега, тие беа домаќини на настани на кои учествуваа Џенифер Лопез, Џон Леџенд, „Блек ајд пис“, Пеги Гоу и други, додека нивниот бренд П+УС стои зад некои од најпознатите светски настапи пред местата на светското наследство, вклучувајќи ги настапите на Карл Кокс и Адриатике, како и претстојните настапи на Тиесто, Соломун и Анима.

Потсетуваме, откако отворено ги поддржа студентските протести во Србија и нивната борба за слобода, Егзит се соочи со откажување на сите форми на државно кофинансирање и притисок од властите.