Контроверзниот Томпсон го „потресе“ Загреб

Стотици илјади луѓе се собраа синоќа на Загрепскиот хиподром за да присуствуваат на концертот на хрватскиот пејач Марко Перковиќ Томпсон.

Обожаватели реагираа додека хрватскиот пејач Марко Перковиќ Томпсон настапува на сцената во Хиподром, во Загреб, иако му е забрането да настапува во неколку земји поради симпатии кон усташкиот фашистички десничарски режим во Хрватска од Втората светска војна.

На концертот на хрватскиот пејач покрај песните се слушна и извикот „За дом спремни“. Во текот на денот, полицијата приведе 123 лица, а брзата помош имала 245 интервенции.

- Advertisement -

Светските и локалните медиуми објавија дека синоќешниот концерт собрал стотици илјади обожаватели, а хрватската полиција наведе дека биле продадени повеќе од 450.000 билети, што е најголемиот концерт во хрватската историја.

Поради концертот, центарот на Загреб беше затворен за сообраќај, а беа распоредени 6.523 полицајци.

Ројтерс потсетува дека Томпсон со години е цел на критики за користење симболи и реторика поврзани со усташкиот режим од Втората светска војна. Неговите концерти беа забранети во неколку европски земји, вклучувајќи ги Холандија, Швајцарија и Босна и Херцеговина.

Иако неговиот имиџ е предмет на бројни контроверзии, Перковиќ сè уште ужива голема популарност во Хрватска и често се појавува на политички митинзи и спортски настани.

АП известува дека посетителите дошле од цела Хрватска, многумина носејќи хрватски знамиња и црни маички со натпис „Томпсон“.

EPA/ANTONIO BAT