Европската банка за обнова и развој ѝ даде грант од 350.000 евра на земјава како техничка помош за изработка на Национална стратегија за полнење електрични возила и инфраструктура

Европската банка за обнова и развој ѝ даде грант од 350.000 евра на земјава како техничка помош за изработка на Национална стратегија за полнење електрични возила и инфраструктура, соопшти Министерството за транспорт.

Како што се наведува во соопштението, Националната стратегија за полнење на електрични возила и инфраструктура е прва од овој вид во Македонија и треба да  овозможи стратешки пристап кон развојот на патната инфраструктура за поддршка на електричните возила.

Според Министерството, во тек е постапката за избор на консултант која се очекува да заврши на крај на јули или на почеток на август.

- Advertisement -

„Консултантот ќе има задача во две фази да креира: подготовка на Стратегија за електрични возила и Акциски план со приоритетни активности и рокови кои треба да бидат одобрени од Владата, преку Министерството за транспорт и Европската банка за обнова и развој“, се вели во соопштението.

Покрај Консултанот, во изработката на Статегијата и Акцискиот план ќе бидат вклучени домашни и меѓународни експерти од области на експертиза за електрични возила, енергетската ефикасност,  транспортот и екологијата.

Денеска вицепремиерот и министер за транспорт Александар Николоски го потпиша договорот за грантот со Европската банка за обнова и развој.