Новопечената невеста Лорен Санчез додаде ново парче во својата колекција накит, а новите фотографии го покажаа венчалниот прстен на нејзината рака за кој се проценува дека вреди четири милиони долари.
Фотографиите одблизу открија два огромни дијамантски прстени на нејзините раце. Едниот изгледал како да е брусен, додека другиот бил камен во форма на овал.
Според Зак Стоун од куќата за накит Стив Стоун:
„Прстенот содржи нешто што изгледа како величествен дијамант од 20 карати во облик на перниче, вграден во елегантен платински прстен.“
Стоун го проценил овалниот дијамантски прстен на неверојатни четири милиони долари, што е повеќе од 20-каратниот розов дијамантски прстен со кој Безос ја запроси Санчез во 2023 година, а чија вредност е проценета на 2,5 милиони долари.
Поранешната новинарка беше видена и како носи белегзија со иницијалите „ЛБ“, што асоцира за нејзините нови иницијали, односно на новото презиме – Лорен Безос.
Според проценките, венчавката чинела помеѓу 46 и 55 милиони долари. Меѓутоа, локалното население на Венеција не ги пречека со раширени раце, а беше организиран и протест против венчавката поради порастот на туризмот во градот.
Да потсетиме, милијардерот и основач на „Амазон“, Џеф Безос, се ожени со Лорен Санчез во петокот во Италија, на венчавка што трае веќе неколку дена, иако тие веќе беа законски венчани во Соединетите Американски Држави.
Тие разменија завети на островот Сан Џорџо Маџоре пред многу гости, меѓу кои и Иванка Трамп со семејството, сестрите од семејството Кардашијан-Џенер, Крис Џенер, како и Опра Винфри, Леонардо Дикаприо, Бил Гејтс, Барбра Стрејсенд, Ашер и Орландо Блум.
