Нетанјаху: Одлуката на Трамп да го нападне Иран ќе ја промени историјата

Израелскиот претседател Бенјамин Нетанјаху ја пофали „храбрата одлука“ на американскиот претседател Доналд Трамп да ги бомбардира нуклеарните постројки на Иран, велејќи дека одлуката ќе „го промени текот на историјата“.Американските сили бомбардираа три ирански нуклеарни постројки рано наутро во недела, вклучувајќи го и Фордоу, кој е закопан во планина.

„Историјата ќе го памети тоа што претседателот Трамп дејствуваше за да го спречи најопасниот режим во светот да се здобие со најопасното оружје во светот“, рече Нетанјаху во говорот.

Иранската нуклеарна програма го загрози нашиот опстанок и го загрози светскиот мир, изјави израелскиот премиер, цитиран од Ројтерс.

- Advertisement -

Нетанјаху нагласи дека нападот врз нуклеарната програма бил извршен „во целосна координација“ со Израел, додавајќи дека американскиот претседател го повикал веднаш штом бил извршен нападот.

Израел го нападна Иран на 13 јуни, тврдејќи дека го спречил Техеран да изгради нуклеарна бомба. Иран инсистира дека неговата нуклеарна програма е само за мирни цели.