Јелена Розга: „Љубовта е супер, среќна сум, ние сме среќни“

Хрватската пејачка Јелена Розга (47) ја потврди својата врска со Иван Хуљиќ (37) во април.

Пејачката и композиторот и текстописец веќе претходно ги поврзуваа. Јелена не зборува многу за својата љубовна врска, но сега за „Ин магазин“ изјави дека нејзе и на Иван им е многу убаво.

„Љубовта е супер, среќна сум, ние сме среќни“, кратко рекла таа.
Јелена и Иван беа снимени заедно во Торонто на почетокот на март. Тие беа во друштво на Петар Грашо, кој настапуваше со Розга. Нивните фотографии се појавија на инстаграм-профилот на Тиевенти, но во меѓувреме се избришани.

- Advertisement -

Да потсетиме, гласините за врската помеѓу Јелена и Ивана траат уште од минатата година.

На почетокот на годината, српски „Курир“ објави фотографии направени во летото 2023 година, на кои се гледаат Јелена Розга и Иван Хуљиќ како шетаат низ Будимпешта држејќи се за раце.

Јелена и Иван се видени заедно и претходно. На почетокот на годината, некој ги снимал и во продавница. Фотографиите потоа биле испратени до Далматинскиот портал од читател, кој изјавил дека Јелена и 10 години помладиот Иван му изгледале „опуштено и весело“.