Путин: Посебно внимание мора да се посвети на нуклеарната тријада во програмата за вооружување

Рускиот претседател Владимир Путин во средата изјави дека во новата програма за оружје треба да се посвети посебно внимание на нуклеарната тријада, односно нуклеарните капацитети на копно, море и воздух.

Коментарите на Путин, емитувани на државната телевизија, беа дадени на состанок на високи функционери посветен на воената индустрија на Русија.

„Нема сомнение дека посебно внимание мора да се посвети на нуклеарната тријада, која беше и ќе остане гаранција за рускиот суверенитет и игра клучна улога во одржувањето на рамнотежата на моќта во светот“, рече Путин.

- Advertisement -

Нуклеарната тријада е термин што се однесува на три начини на лансирање ракети, што ги имаат повеќето нуклеарни сили.

Путин ги повтори своите претходни тврдења дека вкупно 95 проценти од стратешките нуклеарни сили на Русија се модернизирани.

„Тоа е добар знак и во суштина највисок (процент) меѓу сите нуклеарни сили во светот“, рече тој на состанокот.