Две лица загинаа, а најмалку 37 лица се повредени, меѓу кои и 5 деца, при ноќен руски напад со дронови врз украинскиот град Харков

Две лица загинаа, а најмалку 37 лица се повредени, меѓу кои и 5 деца, при ноќен руски напад со дронови врз украинскиот град Харков, соопшти градоначалникот Игор Терехов.

Нападите се случија само еден ден по слични удари врз Киев и врз Одеса, во кои загинаа 3 лица. Харков, втор по големина град во Украина и лоциран на помалку од 50 километри од границата со Русија, е подложен на сѐ почести масовни напади во последните денови.

„Извршени се 17 дронски удари во 2 реона на градот“, соопшти Терехов.

- Advertisement -

Според локалното обвинителство, цел на нападите биле главно станбени згради, а биле користени дронови „Геран-2“, руската верзија на иранскиот „Шахед“.

На видеа од градот се гледаат изгорени и разрушени згради, додека пожарникари вложуваат напори да ги стават пламените под контрола.

Харков веќе ја преживеа „најсилната воздушна офанзива од почетокот на инвазијата во февруари 2022 година, кога во саботата беа регистрирани околу 50 експлозии.