Повреден 57-годишен маж извлечен од падините на Љуботен
На падините на врвот Љуботен, во непристапен планински терен, полицијата и Армијата спровеле сложена спасувачка акција за извлекување на повреден 57-годишен маж од тетовско село.
Како што информира Министерството за внатрешни работи, на 8 јуни 2025 година во 13:20 часот, во СВР Тетово било пријавено дека на непристапен терен на падините на Љуботен има повредено лице, за кое било потребно итно извлекување.
„Во 19:45 часот со хеликоптер од АРМ е подигнато повреденото лице Ј.С. (57) од село Рогачево, тетовско, и е транспортирано во Комплексот клиники ‘Мајка Тереза’ во Скопје за укажување лекарска помош“, информираат од полицијата.
Покрај повредениот, на теренот биле затекнати уште две лица – Ф.Ф. (45) од Скопје и С.С. од село Рогачево, кои, според полицијата, биле во добра здравствена состојба.
Тие биле преземени од полициски службеници и месното население и биле безбедно пренесени во село Старо Село, тетовско.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
Copyright 2025 OhridSky
