Најмалку 10 убиени, вклучувајќи деца, во напад врз шатор за бегалци од Газа

Најмалку десет Палестинци, вклучувајќи деца, беа убиени, а неколку други ранети во новите израелски напади во јужниот дел на Појасот Газа во среда, објавија локалните медиуми.

Според официјалната новинска агенција WAFA, израелската армија таргетирала шатор во кој биле сместени раселени Палестинци во училиште претворено во засолниште во Кан Јунис, при што загинале десет лица, а други биле ранети.

Меѓу жртвите имало и деца, соопшти агенцијата. Фотографиите што ги виделе медиумите, вклучувајќи ја и N1, сведочат за ужасот што го доживуваат цивилите во Газа секојдневно. Мртовечниците се полни, претежно со деца.

- Advertisement -

Израелската армија, исто така, пукаше врз куќи во областа Кизан ал-Наџар во јужен Кан Јунис и североисточните области на градот Газа, додаде WAFA.

Израелската армија, отфрлајќи ги меѓународните повици за прекин на огнот, спроведува брутална офанзива против Газа од октомври 2023 година, при што загинаа повеќе од 54.500 Палестинци, повеќето од нив жени и деца.

Минатиот ноември, Меѓународниот кривичен суд издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел се соочува и со обвинение за геноцид пред Меѓународниот суд на правдата за воени злосторства против цивилите во енклавата.