Земјотрес со јачина од 5,6 степени ја погоди Јапонија

Земјотрес со интензитет од 5,6 степени според Рихтеровата скала ја погоди Јапонија рано утрово, соопшти Јапонската метеоролошка агенција.

Епицентарот на земјотресот, кој се случил во 6:28 часот наутро по локално време, е регистриран во близина на брегот на Хокаидо на длабочина од 50 километри, објави новинската агенција Кјодо.

Нема извештаи за жртви или материјална штета, а не е издадено ни предупредување за цунами.