Просечната месечна исплатена нето-плата по вработен, во март 2025 година, изнесува 44.763  денари и во однос на истиот месец лани е повисока за 10,5 %

Просечната месечна исплатена нето-плата по вработен, во март 2025 година, изнесува 44.763  денари и во однос на истиот месец лани е повисока за 10,5 %, соопшти Државниот завод за статистика.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Образование за 15,8 %, Рударство и вадење на камен за 14,1 % и Административни и помошни услужни дејности за 12,5 %.

Зголемување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен за 12,3 %, Уметност, забава и рекреација за 6,8 % и Преработувачка индустрија за 6,4 %.

- Advertisement -

Највисок просек на нето-плата била исплатен во секторот информации и комуникации од 83.615 денари, а најнизок во секторот  објекти за сместување и сервисни дејности со храна каде што просекот бил 32.245 денари.

Просечната месечна исплатена бруто-плата по вработен во март 2025 година изнесува 67.240 денари.