Ќерките близначки на музичкиот магнат Шон Диди Комбс, Д’Лајла и Џеси Комбс, ја прославија матурската вечер појавувајќи се во идентични фустани, а нивното расположение беше на завидно ниво, иако судењето на нивниот татко сè уште е во тек

Ќерките близначки на музичкиот магнат Шон Диди Комбс, Д’Лајла и Џеси Комбс, ја прославија матурската вечер појавувајќи се во идентични фустани, а нивното расположение беше на завидно ниво, иако судењето на нивниот татко сè уште е во тек.

- Advertisement -

Имено, близначките кои јавно го поддржаа својот татко на судот во Менхетен, но и повеќепати ја напуштија судницата во текот на судењето бидејќи не можеа да ги поднесат деталите што ги презентираа сведоците, се појавиле последни на прославата на матурата, а кога еден школски другар ги прашал зошто, тие кратко одговориле:

– Забавата не почнува додека ние не влеземе. Најдоброто го оставивме за крај – рекле познатите близначки кои нивните партнери ги буквално ги внеле на раце на забавата.

Близначките навистина пленеле во црвените тоалети долги до подот, со голи рамена и грбови, а судејќи според нивните објави на социјалните мрежи, тие лудо се забавувале.

Да потсетиме, нивната мајка, Ким Портер, почина во 2018 година, а во текот на љубовната врска со уапсениот рапер, таа го доби и синот Кристијан, а од претходна врска, Портер го доби и синот Квинси.

Додека девојките уживале во матурската забава, судењето на озлогласениот хип-хоп могул Шон Диди Комбс, кој беше уапсен минатиот септември и обвинет за сексуален напад, проституција и рекетирање, започна на 12 мај и сè уште трае. На судењето како сведоци се појавија многумина, вклучувајќи ја и неговата поранешна партнерка Каси Вентура, која беше брутално претепана од Диди во хотелот, како и член на обезбедувањето кое, наводно, Диди се обидел да го поткупи за да молчи за сè.

Исто така, според обвинението од 2024 година, раперот е обвинет дека го користи својот статус за да ги намами жените и да ги принуди да учествуваат на „freaks off“ забавите каде што се случувале бизарни работи, но раперот сè уште ги негира сите обвинувања.