Американскиот претседател е спремен за продуктивен понеделник

Портпаролот на Кремљ, Дмитриј Песков, денеска изјави дека телефонскиот разговор помеѓу рускиот и американскиот претседател, Владимир Путин и Доналд Трамп, е закажан во 17 часот по московско време (16 часот по средноевропско време).

– Во 17 часот (по московско време) ќе биде телефонскиот разговор со Трамп – посочи Дмитриј Песков.

Трамп пред 2 дена најави дека денеска ќе разговара со Путин за ставање крај на војната во Украина.

- Advertisement -

„Темата на повикот ќе биде завршување на крвопролевањето“, објави Трамп на својата социјална мрежа „Трут соушл“ (Truth Social), еден ден по директните руско-украински мировни преговори во Истанбул.

Трамп изрази надеж дека понеделник ќе биде продуктивен ден, дека „ќе има прекин на огнот и оти ќе заврши многу насилната војна – војна која никогаш не требаше да се случи“.