Драматични сцени во Барселона пред натпреварот

Дербито меѓу Еспањол и Барселона, кое се играше во рамките на 36 коло од Ла Лига, започна со трагична и тажна вест. Непосредно пред натпреварот, се случи масовна сообраќајна несреќа во близина на стадионот „RCDE“. Тринаесет лица беа повредени, но никој не е со сериозни повреди.

Каталонската полиција моментално претпоставува дека возачот ја изгубил контролата врз возилото и дека станува збор за несреќа. Можноста за напад не се разгледува, но истрагата е во тек.

Жената која го возела автомобилот била уапсена, а според достапните информации, таа ја изгубила свеста. Од полицијата додаваат дека жената нема претходно криминално досие.

- Advertisement -

Несреќата се случила веднаш пред стадионот „RCDE“, кратко пред почетокот на натпреварот помеѓу тимот на Маноло Гонзалез и оној на Ханс Флик. Бел автомобил се заби во група луѓе.

За среќа, како што беше објавено подоцна за време на натпреварот преку звучниците на стадионот, ситуацијата е под контрола и нема сериозни повреди. Сите повредени 13 лица се здобиле со само полесни повреди.