Војвотката од Сасекс, Меган Маркл, завчера објави фотографија на Инстаграм со нејзините деца, принцот Арчи и принцезата Лилибет, по повод Денот на мајките

Војвотката од Сасекс, Меган Маркл (43), завчера објави фотографија на Инстаграм со нејзините деца, принцот Арчи (6) и принцезата Лилибет (3), по повод Денот на мајките. Но и покрај срдечната порака и семејната атмосфера, некои корисници на социјалните мрежи повторно се фокусираа на теории и критики, коментирајќи го изгледот на децата – особено бојата на нивната коса и должината на нозете на Лилибет.

Инаку покрај фотографијата Меган напиша: „Среќен Ден на мајките! На здравје за сите нас кои успеваме да избалансираме сè со радост!“.

Таа додаде и порака упатена до нејзините деца: „И на овие два бисера – кои сè уште се обидуваат да ја освојат „мајчината планина“, да ме опсипат со бакнежи и секој ден да го направат најпосебна авантура … да се биде ваша мајка е најголемата привилегија во мојот живот.“ На крајот од објавата, таа напиша: „И јас ве сакам „повеќе од сите ѕвезди на небото, сите капки дожд и сите зрна сол на сите помфрити во светот“.

- Advertisement -

Меѓутоа кратко по објавата, корисниците на социјалните мрежи почнаа да коментираат за промените во изгледот на децата. Тие најмногу дискутираа за бојата на нивната коса. Еден корисник напиша: „Каде е сега црвената коса на Арчи и Лили, Меган Маркл?“ Други додадоа: „Бојата на нејзината коса се смени“ и „Косата им е потемна сега“. Еден корисник забележа: „А што е со косата на Арчи? Груба, густа, виткана и црвена… а сега црна и целосно права“.

Освен за нејзината коса, тие коментираа и за нозете на Лилибет, тврдејќи дека е невообичаено повисока во споредба со претходните фотографии.

Еден корисник напиша: „Како Лили порасна за само седум недели?“ Друг додаде: „Треба да почнат да изнајмуваат деца на соодветна возраст“ алудирајќи на гласините дека Меган и принцот Хари користат други деца за фотографиите.