По состанокот на Алијансата на Албанците претседателот Арбен Таравари вечерва на прес-конференција во Тетово изјави дека ја напуштаат владината коалицијата и дека одат во опозиција

По состанокот на Алијансата на Албанците претседателот Арбен Таравари вечерва на прес-конференција во Тетово изјави дека ја напуштаат владината коалицијата и дека одат во опозиција.

– Денеска Алијанса на Албанците едногласно одлучи да оди во опозиција. Беше состанок на претседателите на ограноците, на многу функционери на АА на кој констатиравме дека минатата година со гордост ја донесовме промената во албанскит блок после 20 години и за тоа сме многу горди. Меѓутоа, промените што ги ветивме, за жал, не ги испорачавме. Затоа ние одлучивме да се вратиме кај граѓаните. Да побараме од нив доверба во октомври за локалните избори – рече Таравари.

Според него, има огромно незадоволство, посебно кај Албанците, како владее Вреди во оваа Влада, а како пример за тоа ги посочи законот за балансерот и третманот на Албанците во институциите. Рече и дека за нив е многу битен и европскиот пат на Македонија.

- Advertisement -

Таравари рече дека министрите и замениците на АА сега се во оставка и дека ќе заминат од Владата.

Со ДУИ засега, додаде, нема никаков договор, но имало некаква комуникација.

Таравари најави дека и покрај тоа што заминува во опозиција ќе се сретне со премиерот Христијан Мицкоски, но и со лидерот на опозициската СДСМ Венко Филипче.

На состанокот не присуствуваше вицепремиерот Арбен Фетаи, кој според Таравари бил на пат.