Над 40 мртви и над 1.000 повредени во експлозијата во пристаништето Шахид Раџаи

Бројот на жртвите во вчерашната експлозија во иранското пристаниште Шахид Раџаи се искачи на 40, а повеќе од илјада луѓе се повредени, објавија денеска иранските медиуми.

Според царинската служба, експлозијата најверојатно се случи поради пожарот во магацин за опасни и хемиски супстанции.

Пристаништето Шахид Раџаи е едно од главните трговски пристаништа во Иран, лоцирано повеќе од 1.000 километри јужно од главниот град Техеран.

- Advertisement -

Во 2020 година компјутерската мрежа на пристаништето Шахид Раџаи беше мета на хакерски напад, што предизвика хаос во доставите.