Провалници украле телефони во вредност од 140.000 евра од продавницата во Марибор

Во Марибор непознати лица упаднале во продавница на мобилен оператор и украле телефони во вредност од 140.000 евра.

Во четвртокот наутро, полициски службеници од Марибор извршиле увид во деловен простор на еден од мобилните оператори во трговски центар во областа Табор, од каде засега непознати сторители украле поголемо количество мобилни телефони.

Според нестручната проценка на полицијата, со ова на фирмата и е нанесена штета од околу 140.000 евра. Оштетувања имало и на објектот.

- Advertisement -

Како што информираат од полициската управа Марибор, провалниците направиле и дополнителна материјална штета на објектот. Полицијата во меѓувреме изврши увид на местото на злосторството и денеска ја продолжува истрагата за инцидентот, додаваат оттаму.