Додека го финализираме усвојувањето на контра-мерките на ЕУ за увозот на американски производи, кои добија силна поддршка од земји членки, решивме да ги ставиме во мирување 90 дена, соопшти претседателката на Европската комисија, Урсула фон дер Лајен.
Претходно, Фон Дер Лајен ја поздрави одлуката на американскиот претседател Доналд Трамп да ги паузира глобалните царини за увоз на 90 дена. На списокот на Трамп беа изоставени кинеските производи за кои новите царини изнесуваат 125%.
Контрацарините кои на 9 април ги изгласа ЕУ како одговор на американските царини за увоз на челик и алуминиум во висина од 25 отсто ќе бидат паузирани. Според аналитичарите, тие би ја чинеле американската економија 22 милијарди евра.
