Удрил мопед и автомобил и „дувнал“ 1,85 промили

31-годишниот Д.А под дејство на алкохол предизвикал сообраќајна несреќа во Куманово во која биле оштетени мопед и патничко возило, потврдија од СВР Куманово.

Настанот се случил во средата (9 април) околу 16:45 часот на улицата Теофан Економов, кога возачот од Куманово управувал патничко возило марка „сеат леон со кумановски регистарски ознаки, и удрил во мопед „хамачи“ и автомобил „фолксваген голф“, исто така со локални таблички.

По несреќата, полициските службеници од Полициската станица за безбедност на патниот сообраќај интервенирале веднаш на терен и го привеле возачот. Тестирањето покажало дека имал 1,85 промили алкохол во крвта.

- Advertisement -

„Во случајот се работи за грубо прекршување на сообраќајните правила. Присуството на речиси два промили алкохол е сериозна опасност по безбедноста во сообраќајот и против лицето ќе биде поднесена соодветна пријава по член 297-а од Кривичниот законик“, изјавија од СВР Куманово.

Полицијата информира дека работи на целосно документирање на случајот, по што ќе следи кривична постапка за „безобѕирно управување со моторно возило“.