Кина одговори на заканата на Трамп за царини од 104%

Кина утринава жестоко одговори на заканата на американскиот претседател Доналд Трамп да воведе дополнителни царини од 50% за увоз на кинески стоки во САД, доколку Пекинг не се откаже од одмаздничките мерки.

Пекинг порача дека никогаш нема да ја прифати „уценувачката природа на САД“ и дека „ќе се бори до крај“.

„Со заканите за зголемување на царините, Америка ѝ прави грешка по грешка на Кина“, соопшти кинеското Министерство за трговија.
CNN ја пренесува изјавата на министерството дека оваа закана „уште еднаш ја разоткрива уценувачката природа на САД“.

- Advertisement -

„Кина никогаш нема да го прифати тоа. Ако САД инсистираат да прават како што сакаат, Кина ќе се бори до крај“, соопшти кинеското Министерство.

Трамп првично воведе царини од 20% за Кина, а минатата недела најави дополнителни „реципрочни“ царини од 34%, на што кинеските власти одговорија со царини за увоз на американски стоки од истите 34%.

Ако Трамп ја спроведе последната закана од американските царини за втората најсилна економија во светот, би дошле неверојатни 104%.

Би-би-си наведува дека оваа давачка ќе влијае и на одредени компании од САД кои набавуваат средства за производство од Кина.