Засилен северен ветер ќе дува во текот на денот, со брзина од над 70 километри на час, а наместа ќе има услови за провејување на слаб снег, информираат од УХМР.
Времето денеска ќе биде променливо облачно и студено, со температури под просекот за овој период од годината.
Минималната температура ќе биде во интервал од -4 до 1, а максималната ќе достигне од 3 до 10 степени.
Утринските температури на повеќе места ќе бидат негативни, а дневните во постепен пораст.
Во Скопје времето ќе биде променливо облачно и студено. Ќе дува умерен до засилен северен ветер.
Минималната температура ќе се спушти до 0, а максималната ќе достигне до 8 степени.
