Најмалку 12 лица загинаа а четворица се повредени кога минибус падна во провалија во северно Мексико

Најмалку 12 лица загинаа а четворица се повредени кога минибус падна во провалија во северно Мексико, соопштија локалните власти.

Возилото, во кое имало 16 лица, паднало на повеќе од 120 метри во планинска област во државата Нуево Леон, во близина на регионот Сантијаго, изјави локалниот претставник Ерик Кавазо. Некои од патниците починале на лице место, други, пак, стигнале во болница, но лекарите не успеале да им го спасат животот.

Градоначалникот на областа Сантијаго, Давид де ла Пења, изјави дека несреќата најверојатно се должи на технички дефект бидејќи на патот немало траги од сопирачки.

- Advertisement -

Несреќата предизвика и шумски пожар, кој во меѓувреме е изгаснат, соопштија локалните власти.