НОВИ ПРЕГОВОРИ САД-РУСИЈА ЗА УКРАИНА Состанокот ќе се одржи в понеделник, домаќин ќе биде Ријад

Нова рунда американско-руски преговори ќе се одржи во понеделник на 24 март во Ријад главниот град на Саудиска Арабија.

Би-би-си јавува дека тоа на руските државни агенции им го изјавил Јуриј Ушаков, помошник за надворешна политика на претседателот Владимир Путин.

Соопштено е дека во руската делегација ќе бидат сенаторот Григориј Карасин, претседател на Комитетот за меѓународни прашања и Сергеј Беседа, советник на директорот на Федералната служба за безбедност (ФСБ).

- Advertisement -

Ушаков рече дека Карасин и Беседа ќе го предводат тимот на руски експерти.

Тас објави дека Карасин ја потврдил оваа информација.

Ушаков рече дека американската страна го прифатила местото и времето на средбата, но дека објавата ќе ја остави на Вашингтон.

Стив Виткоф, специјален пратеник на американскиот претседател Доналд Трамп, вчера изјави за Фокс њуз дека претставниците на Русија и САД ќе разговараат за деталите од договорот за прекин на огнот во Украина во недела, на 23 март, во саудискиот град Џеда.