ИТАЛИЈА ОТВОРИ АКАДЕМИЈА ЗА ОДГЛЕДУВАЊЕ ШТУРЦИ

Во регионот Марке во југоисточна Италија е отворена Нутринсект академија, образовна установа за  одгледување штурци, потврди  денеска Хозе Франческо Кани, извршен директор на Нутринсект од Монтекасијано.

Компанијата Нутринсект одгледува штурци за производство на брашно од штурците за храна за домашни миленици, пренесува АНСА.

– Целта е да го пренесеме нашето знаење и да ги научиме оние кои сакаат да започнат ваков бизнис како да одгледуваат штурци – објасни Цани, додавајќи дека целта е „да се создадат 100 фарми за штурци низ Италија“.

- Advertisement -

Тој посочи дека новата академија Нутринсект е отворена за да понуди професионална програма наменета за идните фармери и за оние кои веќе ја започнале оваа активност, но сакаат да ги подобрат своите вештини.

Според него, откако Европската управа за безбедност на храна ја оцени безбедноста на брашното од штурец (Acheta domesticus) како „нова храна што не претставува ризик за здравјето на луѓето“, иницијативата за отворање образовна институција е насочена кон промоција на „добар, здрав производ, целосно направен во Италија“.