Страшевски ќе продолжи да го застапува Палчо

Адвокатот Марјан Витановски му го откажал полномошното на неговиот клиент Љупчо Палевски Палчо, првообвинет за убиствата на Вања Ѓорчевска и на Панче Жежовски што се случија во ноември 2023 година. Судијата Ивица Стефановски ја прочита одлуката на адвокатот од Куманово.

Адвокатот Јовица Страшевски ќе продолжи да го застапува Палевски.

Од самиот почеток на судењето Палевски беше застапуван од кумановскиот адвокат Марјан Витановски.

- Advertisement -

– Нема докази, верувам дека ќе ја докажеме невиноста на мојот клиент Љупчо Палевски. Според доказите, постои голема можност обвинетиот Љупчо Палевски воопшто да не биде поврзан со кривичните дела. Многу адвокати се оградија, ама јас цврсто и искрено верувам во невиноста на мојот клиент – изјави адвокатот Витановски по првото рочиште од овој судски процес, кој трае веќе неколку месеци.

Денеска во судницата треба да се соочат Палевски и второобвинетиот Велибор Манев, кој на претходното рочиште посочи дека Палчо со пиштол ги убил Вања и Панче.