Министерството за здравство информира дека во моментот се организира авионски транспорт за најтешко повредените во пожарот во дискотеката во Кочани.
„ 5 пациенти се упатуваат на лекување во Бугарија, од кои двајца се од Хируршката клиника ,,Св. Наум Охридски” и тројца од ТОАРИЛУЦ Во Турција на лекување ќе се упатат тројца пациенти од ТОАРИЛУЦ и 6 од ГОБ ,,8 Септември”- велат од МЗ.
Оттаму додаваат дека за Грција со возила на итна медицинска помош се транспортирани тројца пациенти од ТОАРИЛУЦ.
Министерството информира дека со возила на итна медицинска помош ќе се транспортираат уште 10 повредени, по 5 во Србија и во Бугарија.
