Утре невреме и порој, од вторник утрински мраз

Времето денеска ќе биде променливо облачно и нестабилно со локален пороен дожд и грмежи, најавува Управата за хидрометеоролошки работи.

Наместа процесите ќе бидат поинтензивни во форма на краткотрајно невреме. Ќе дува умерен, во западните делови повремено засилен ветер од западен правец.

- Advertisement -

Температурите ќе бидат високи. Утринската ќе се симне најмногу до 6 степени во Берово, а најтопло ќе биде во Гевгелија, со температура до 25 степени Целзиусови.

Во Скопје ќе биде променливо облачно. Попладне во делови од котлината ќе биде нестабилно со пороен дожд, грмежи и засилен ветер. Температурата ќе се искачи до 25 степени.

Утре времето ќе биде променливо облачно и нестабилно со пороен дожд, грмежи и засилен ветер. Локално процесите ќе бидат поинтензивни во форма на краткотрајно невреме.

Во вторник ќе има опаѓање на температурата и се очекуваат локални врнежи од дожд, на планините и на повисоките места од снег. Потоа следува период на стабилно време со ниски утрински температури.