Американката Андреа Мишел Рејес, која била киднапирана во Конектикат кога била мала, е пронајдена жива 25 години подоцна во Мексико, објави денеска Гардијан.
Рејес имала само две години кога нејзината мајка Роза Тенорио, во октомври 1999 гидина ја киднапирала од нејзиниот татко во Конектикат и ја однела во Мексико, каде што оттогаш и се губи.
Според полицискиот оддел на Њу Хевен, Конектикат, Тенорио немала старателство над нејзината ќерка, која во тоа време ја чувал нејзиниот татко.
Полицијата и ФБИ издадоа налог за апсење на Тенори, која беше осомничена дека со својата ќерка побегнала во Мексико. Таткото на Андреа неколку пати одел во Мексико, но не можел да ги најде.
Случајот за пронаоѓање на исчезнатата Андреа беше напуштен до 2023 година, кога полициски детектив повторно почна да го истражува киднапирањето.
Користејќи комбинација од испрашување, пребарувања и пребарувања на социјалните мрежи, детективот Келин Нивакоф утврдил дека Рејес живее во мексиканскиот град Пуебла, кој има повеќе од 1 милион жители.
Напредните ДНК тестови ја потврдија врската на Рејес со нејзиниот татко.
Идентификацијата на Рејес е дел од иницијативата за решавање на повеќе од 500 случаи на помали киднапирања од Националниот систем за исчезнати и неидентификувани лица.
Рејес, кој сега има 27 години, е жител на Мексико. Налогот за апсење на Тенорио е активен и валиден во САД, соопшти полицијата, додавајќи дека верува дека таа сè уште е во Мексико.
