Советот на јавни обвинители на утрешната седница ќе избира нови обвинители, а Судскиот совет во понеделник ќе избира нови судии.
Ќе бидат избрани 47 обвинители во 18 јавни обвинителства во Македонија.
Најмногу обвинители, 14, треба да се изберат за во Основното јавно обвинителство Скопје.
Во Основните јавни обввинителства во Велес, Делчево, Кочани, Крива Паланка, Радовиш, Ресен и во Струга ќе се избира по еден јавен обвинител.
По двајца јавни обвинители ќе се избираат во обвинителствата во Битола, Гевгелија, Гостивар, Кичево и во Струмица, а во Куманово, Охрид, Прилеп и во Штип ќе се избираат по тројца јавни обвинители. За Основното јавно обвинителство Тетово треба да бидат избрани четворица обвинители.
Не е познато колку вкупно судии ќе избере Судскиот совет во понеделник. На дневен ред е избор на судии во Основен граѓански суд Скопје, Основен кривичен суд Скопје, како и во основните судови во Битола, Велес, Гевгелија, Гостивар, Делчево, Кавадарци, Кичево, Кочани, Крива Паланка, Куманово, Охрид, Прилеп, Свети Николе, Струга, Струмица, Тетово и во Штип.
На дневен ред е и избор на претседатели на Апелациониот суд Битола и на основните судови во Гевгелија, Кавадарци и во Кочани.
Според законските реенија, за судија или за обвинител може да биде избран правник што ги завршил студиите на Академијата за судии и јавни обвинители.
