Првата пролетна седница на српскиот парламент веднаш по почетокот се претвори во целосен хаос

Првата пролетна седница на српскиот парламент веднаш по почетокот се претвори во целосен хаос, бидејќи пратениците од опозицијата внесоа факели во салата, кои во еден момент ги запалија. Беа запалени неколку факели, а во салата не се гледаше ништо, додека пратениците се гушеа од чадот.

Претседателката на Собранието Ана Брнабиќ едвај зборуваше, држејќи шамиче до устата, повикувајќи ги пратениците од опозицијата да седнат на своите места и да продолжи работата.

За неколку моменти беа фрлени шишиња и кон пратениците од опозицијата, кои на насилството одговорија со развиорување на српски знамиња.

- Advertisement -

Претседателката на Собранието Ана Брнабиќ од говорницата изјави и дека на пратеничката Јасмина Обрадовиќ и се слошило и дека итната помош интервенирала откако била изнесена од салата.

– Таа е во критична состојба, имаше мозочен удар и се бори за живот. Таа е во смртна опасност бидејќи ја погоди шок-бомбa – изјави Брнабиќ.

Станува збор за пратеник од списокот на Александар Вучиќ, роден 1961 година и дипломиран економски науки. Пратеничка е од 2012 година.