Директорот на ФБИ го доведе во прашање кредибилитетот на Зеленски

Директорот на американското Федерално истражно биро (ФБИ), Каш Пател, побара од Конгресот да истражи како се користеле парите од помошта, испратени во Украина, објави порталот Јаху.

– Побарав од Конгресот да испита каде исчезнаа парите. Американскиот народ заслужува одговор бидејќи тоа се наши пари. Тоа се долари на нашите даночни обврзници – посочи Пател.

Тој, исто така, го критикуваше обемот на американската помош за Украина.

- Advertisement -

– Не се работи за тоа дека САД праќаат милијарда долари, туку дека испратениот износ до една земја е 100 пати поголем од милијарда – наведе Пател.

Тој го доведе во прашање и кредибилитетот на претседателот на Украина, Володимир Зеленски, спомнувајќи го ракетниот инцидент во Полска.

– Зеленски излезе на светската сцена и рече Русија истрела проектил кон Полска, што би било воен чин. Се покажа дека Русија не истрела таква ракета – посочи Пател.