Раперот се спаси од затвор, скокна во прегратките на Ријана во судницата, а таа се расплака

Американскиот рапер АСАП Роки (36), познат и како партнер на пејачката Ријана (36), здивна откако ја слушна ослободителната пресуда на крајот од неговото судење, кога поротниците го прогласија за невин по сите точки од обвинението за напад со полуавтоматско огнено оружје во пукањето на неговиот поранешен пријател АСАП Рели во Холивуд на 2 ноември 2016 година.

По читањето на пресудата, тој почнал да скока од радост, го гушнал својот адвокат и се втурнал во прегратките на Ријана, која се расплакала бидејќи му се заканувала затворска казна од 24 години.

„Ви благодарам на сите што ми го спасивте животот“, изјави емотивниот АСАП Роки пред поротата, составена од седум жени и пет мажи, додека ја напушташе судницата, пренесува АП.

- Advertisement -

Судењето траеше три недели, по одбивањето на понудата на обвинителот Роки да одлежи шестмесечна затворска казна и да биде осуден на условна казна. Тоа не доаѓаше во предвид бидејќи тој ќе треба да се изјасни за виновен по една точка од случајот. Тој продолжи да ја слави конечната пресуда со својот тим откако ја напуштија судницата, а Ријана тоа го објави на својот инстаграм-профил.

„Славата му припаѓа на Бога и само на Бога. Благодарен, смирен во неговата милост“, напиша повеќенаградуваниот музичар во стори на Инстаграм.

АСАП Роки, со вистинско име Раким Мајерс, се познаваат уште од средно училиште, биле членови на музичката група „АСАП Моб“, а наводната жртва сведочела на суд, наведувајќи дека тој не бил сериозно повреден во пукањето, туку дека куршумот само му го ранил зглобот. Адвокатскиот тим на Роки го бранеше тврдејќи дека пиштолот не бил вистински, туку реквизит од сетот на музичкото видео на кое тој работел и дека содржел лажни куршуми.

Најголема поддржувач на популарниот рапер беше Ријана, која го привлече вниманието со своите појавувања на суд, како и неговата мајка Рене Блек и сестрата Ерика Б. Мајерс. Иако имаше гласини дека нејзиното присуство, како една од најпопуларните и најбогатите музичарки на денешницата, може да влијае на одлуката на жирито, адвокатот на Роки ги повика поротниците пред пресудата и им наложи да ја игнорираат ѕвездата во судницата.

– АСАП Роки сакаше да ја заштити Ријана од емотивно исцрпувачко судење и не сакаше таа да дојде на суд, но ниту дивите коњи не можеа да ја спречат да дојде – рекол адвокатот на музичарот, цитирајќи ги добро познатите стихови од песната „Wild Horses“ на „Ролинг стоунс“.

Фото: Принтскрин/Јутјуб/Инстаграм