Голема операција во Италија: Полицијата заплени кокаин вреден 10 милиони евра

Италијанската полиција заплени повеќе од 80 килограми кокаин од камион во близина на Неапол, објави во петокот италијанската новинска агенција АНСА.

Полицијата уапси 33-годишник и 47-годишник кои беа фатени како пренесуваат 81,7 килограми кокаин поделени во 70 снопови од камион во помало комбе во северните предградија на Неапол, јави АНСА.

Проценетата улична вредност на дрогата е околу 10 милиони евра.

- Advertisement -

Полицијата вели дека ова е значаен удар врз организираниот криминал, пренесува италијанската агенција.