Градежните компании лани во периодот јануари – декември договориле работа во странство во вкупна
вредност од 357.595.000 денари, што е за 55.4 % повеќе во споредба со истиот период од претходната година, покажуваат податоците на Државниот завод за статистика.
Во наведениот период, градежната оператива во странство извршила градежни работи во вкупна вредност од 192.519.000 денари, што е за 6.8 % повеќе во споредба со истиот период од претходната година.
Лани градежниците работеле во Германија, Црна Гора, Данска, Албанија, Бугарија, БиХ, Чешка и во Србија.
Споредбата со претходната година покажува дека најголем ангажман градежниците имале во Германија, сепак нивниот приход од ангажманот во оваа земја е намален за 17,8%. Во затоа, пак, вредноста на реализираните проекти во Чешка на нашите градежници е зголемена за 169,7%.
