Безбедноста за време на ноќни прошетки е еден од клучните показатели за квалитетот на живот во една земја

Безбедноста за време на ноќни прошетки е еден од клучните показатели за квалитетот на живот во една земја. Според најновата листа објавена од „World of statistics“, Македонија се наоѓа на 17. место и се смета за „релативно безбедна“ во овој поглед.

На врвот на листата, како најбезбедна земја во светот за движење во ноќните часови е Хрватска, која ја предводи групата на земји каде граѓаните најмалку стравуваат од напади или криминални инциденти. По неа следуваат Словенија, Исланд, Грузија, Швајцарија и Чешка – земји познати по стабилните безбедносни политики и ниските стапки на насилни злосторства.

Македонија, иако не е меѓу најбезбедните земји, сепак се рангира повисоко од многу развиени европски држави. Нашата земја е оценета како „релативно безбедна“, што значи дека во поголемиот дел од градовите граѓаните можат да се движат без страв, но сепак постојат одредени ризици.

- Advertisement -

На крајот од оваа листа, како најнебезбедна земја за ноќни прошетки, се наоѓа Франција, која во последните години се соочува со зголемен број на инциденти, криминални активности и улично насилство.

Покрај Франција, меѓу најризичните земји се и Белорусија, Белгија, Обединетото Кралство, како и Шведска, која се наоѓа на 37. место од вкупно 41 земја.

Иако рангирањето на Македонија на оваа листа покажува дека ситуацијата не е алармантна, сепак безбедноста зависи од многу фактори, како што се градот, населбата, времето од ноќта и личните мерки на претпазливост.