Сопственикот на Далас Маверикс, Патрик Думонт ги откри причините поради кои го „избркал“ Лука Дончиќ од клубот, а тоа не му се допадна на Леброн Џејмс од Лос Анџелес Лејкерс.
Леброн на социјалните мрежи објави свој коментар на изјавата на Думонт, кој кажа дека нема место за мрзеливи кошаркари во Далас.
„Кога кловнот ќе се пресели во палата, тој не станува крал, туку палатата станува циркус“, објави Леброн по изјавата на првиот човек на Далас.
Инаку претходно Думонт конечно одлучи да даде коментар за заминувањето на Лука Дончиќ во Лос Анџелес Лејкерс, притоа омалуважувајќи го Словенецот.
Во разговор со медиумите, Думонт ги отфрли шпекулациите дека Дончиќ заминал поради подобра финансиска понуда, по што ја раскажа својата страна од приказната која најверојатно нема да му се допадне на Словенецот.
– Тимовите победуваат затоа што кошаркарите се фокусирани и имаат силен карактер. Тие покажуваат силна посветеност и работат напорно за да помогнат на патот кон шампионскиот прстен. Ако не се работи така, тогаш поразот е неизбежен. Ако ги погледнете легендите како Џордан, Коби, Шекил, тие тренираа напорно секој ден. Ако го немате тоа, тогаш нема резултати. Ако го немате тоа, нема зошто да бидете дел од Далас – кажа Думонт.
