Цената на златото денеска скокна на највисоко ниво, достигнувајќи речиси 2.900 долари за унца

Цената на златото денеска скокна на највисоко ниво, достигнувајќи речиси 2.900 долари за унца, откако американскиот претседател Доналд Трамп дека ќе воведе царини од 25% на целиот увоз на челик и алуминиум во САД.

Златото поскапи за 1,12% за да се тргува за 2.892,20 долари за унца рано утринава, додека среброто поскапи за 0,60% до 32,05 долари за унца во исто време. Цената на платината порасна за  0,30% и се тргуваше за 985,33 долари за унца, додека паладиумот поскапи за 0,04% и се тргуваше за 963,47 долари, пренесе Teletrader.

Европските берзански индекси растат, а американските индекси паѓаат
Индексот на Франкфуртската берза DAX во 9:15 часот порасна на 21.845,50 поени, британскиот FTSE 100 на 8.722,65 поени, францускиот CAC 40 на 8.000,38 поени, а московскиот MOEX на 2.988,42 поени.

- Advertisement -

Вредноста на американскиот берзански индекс Dow Jones падна на 44.303,40 поени пред отворањето на берзите во САД денеска, индексот S&P 500 на 6.025,99 поени, а вредноста на Nasdaq индексот на 19.523,40 поени.

Според сегашните берзански податоци, цената на суровата нафта порасна на 71.433 долари, а на нафтата од типот брент на 75.111 долари.