Актерот Хју Џекмен не губи време, си закажа свадба

Холивудската ѕвезда Хју Џекмен (56) планира да се ожени со својата девојка, актерката Сатон Фостер, веднаш штом и официјално биде финализиран неговиот развод со првата сопруга Дебора-Ли Фурнес.

Двојката првпат заедно јавно се појави минатиот месец, откако тој објави дека неговиот брак со Дебора-Ли завршил по 27 години.

Извор близок до актерот откри дека ѕвездата на Вулверин веќе прави планови за иднината со Сатон, а тоа вклучува и брак.

- Advertisement -

– Хју ги помина празниците во Австралија и тогаш сфати колку многу му недостига Сатон. Магијата се врати кога се обединија и јасно е дека бракот е следен. Хју сака Сатон да му стане сопруга – открил извор за „Дејли Меил“.

Сепак, венчавката ќе мора да почека малку, барем додека не се финализира разводот од Дебора-Ли. Како што е веќе откриено, Џекмен и неговата се уште официјално сопруга не поднеле барање за развод од едноставна причина – не можат да се договорат за поделба на имотот.

Пред 27 години кога се венчале актерот не ни сонувал дека ќе стане светска ѕвезда и дека ќе заработи милиони, поради што не потпишале ниту предбрачен договор.

Богатството на Џекмен е проценето на 250 милиони долари, од кое Дебора-Ли нема намера да се откаже.